VOV4.M’nông – Nar 13/4, ntoh ngơi bah năp Quốc hội, Kruanh nchră nău Armenia Ararat Mirzoyan an gĭt, pơng lĕ geh rơh điện tâm nchră đah nuĭh tâm ban gưl kan Azerbaijan wa Jeyhun Bayramov, gay tâm nchră mpeh du Hiệp ước đăp mpăn ơm geh. Rơh điện tâm nchră dơi ƀư tĭng nău đă bah Azerbaijan n’hanh 2 ding lĕ tâm nchră mpeh trong ƀư ndâk njêng ủy ban tâm n’har n’hanh ntăm n’gâng n’har bri, kơt nău mĭn êng bah 2 ding mpeh nău dơi ký Hiệp ước Đăp mpăn. Yơn lah, tĭng kruanh nchră Armenia, aƀaơ dôl geh ăp nău tâm rkeh đah ăp dak tâm ban gưl Kruanh Rmôt OSCE Minsk (Rmôt kan rnă njrăng n’hanh kan ndrel châu Âu), geh Nga, Pháp, Mỹ-gay mkra nău tâm pit nkual Nagorno-Karabakh đah Armenia n’hanh Azerbaijan.

Nŭih blang: Y Sưng Phê Ja