VOV4.M'nông: Tổng thống Pháp Emmanuel Macron n'hanh Thủ tướng Đức Olaf Scholz mhe aơ hŏ geh rơh kuăl điện tâm nchră nsum đah Tổng thống Nga, Vladimir Putin gay tâm nchră mpeh trong nkra bah tâm lơh ta Ukraina. Ta rơh kuăl điện tâm nchră, bar kruanh neh dak Pháp-Đức lah rjăp ân mƀơk lhoi ngăch trong mpă wêl ndrâm dak lêng Odessa gay Ukraina dơi tăch n'gluh lúa mì, găr ntil, phân poh tâm rnôk lam ntŭr neh dôl tâm rdâng đah mô tŏng ndơ sa. Rlău ma nê, 2 hê kruanh Pháp-Đức đă mpeh Nga mƀơk luh an rlău 2500 tahen Ukraina tâm lơh ta nhih máy loih Azovstal ta nkual ƀon têh Mariupol, geh Nga nhŭp  kân rlău 2 pơh aơ. Nău lư mpeh Nga ndơ̆ luh an gĭt, Tổng thống Nga Vladimir Putin mpơl nău mĭn uĕh gay mƀơk lhoi trong mpă wêl ndrâm dak lêng, ntơm bah nê an Ukraina tăch n'gluh tay ndơ./.  

Nuĭh rblang: Điểu Thân