VOV4.M’nông - Nar 19/4, Kruanh Ngân hàng Lam ntŭr neh David Malpass lĕ kuăl jă ăp jâng wăng sa ntoh lư ntop kơl ndơ sông sa an ăp dak dôl hun hao. Nkre n’hao nkra njêng ndơ sông sa, ŭnh nar n’hanh phân poh gay mkra nău mô tŏng n’hanh hao khlay yor duh jêr ta Ukraine. Tâm rgâl đah Kruanh Prăk nkrem lam ntŭr neh, Kruanh Ngân hàng Lam tŭr neh an gĭt, trok đah prăk măt mô lah sam ƀŭt lah trong uĕh ngăn kơl ƀon lan ta ăp dak ach o rwăt phân poh, gay đăp mpăn nkra njêng ndơ sông sa. Tâm rnôk nĕ, Kruanh Prăk nkrem lam ntŭr neh, Kristalia Georgieva mbơh, nău duh jêr ta Ukraine dôl ƀư hô tay nău rgâl đah ăp dak kan ndrel n’hanh ach o, nkre ntrŭt đă ăp dak an rgâl nău nkra njêng ăp tu tơm pă ndơ sông sa, ŭnh nar n’hanh phân poh gay n’hŭch nău knơm tâm dak Nga.

Nŭih blang: Y Sưng Phê Ja