VOV4.M’nông: Kruanh n’gâng kan 27 dak kan nsum Liên minh Châu Âu-EU ntơm rƀŭn nchră ta Nkuăl ƀon têh Brest tâm mpeh ba lơ dak Pháp gay tâm nchră tâm 2 nar mpeh nau kan mât rna ửnăng bah Châu Âu jêh ăp nau tâm nchră duh janh yơn hôm nkol đah Nga ndrel ăp dak Phương Tây tâm pơh aơ mpeh nau kan mât rnă njrăng bah Châu Âu. Rơh rƀŭn mô geh ngăn geh ƀư tâm 2 nar lơ 13/1 ndrel 14/1 tâm nkuăl ƀon têh Brest lah nau ueh gay Kruanh n’gâng kan nchră nau ăp dak EU tâm nchră mpeh nau tă geh bah nau tâm nchră mro đah ăp dak Phương Tây đah Nga tâm pơh rlau aơ mpeh nau mât rnă njrăng Chau Âu kŏ kơt lah nau kan bah Ukraina. Ntoh nau bah năp báo chí ta rơh rƀŭn, Cao uỷ ƀư nau kan tâm nchră đah dak ba dih ndrel rnă njrăng bah Liên minh Châu Âu, Josep Borrell lah rjăp, boh ma ăp nau nduih êp aơ mpeh nau kan Châu Âu knŭng ntâl mpông mô nâp tâm ăp nau tâm nchră đah Nga, rmôt kan aơ hôm tât ndrel mô geh ân êng ba dih./.

Nŭih rblang: H’Thi