VOV4.Mnông -Lôch ăp rơh tâm nchră mô dơi lôch đah Nga ta Brusell rnôk pơh ba năp, kruanh n’gâng kan nchră nău đah dak bah dih Đức Annalena Baerbock  lĕ ntơm geh rơh tât khâl Ukraina n’hanh Nga gay ma ntrôl ntrong kan nchră nău đah dak bah dih an nău rnă njrăng Châu Âu. Ntoh ngơi ta Kiev, Ukraine, kruanh n’gâng kan nchră nău đah dak bah dih Đức du tơ̆ tay mpơl nău kơl an têh dăng bâh Đức đah Ukraine rnôk mbơh njrăng Nga mbra tâm rdâng đah nău tât lah rdul lơh dak aơ. Nkô̆ mpŏng ŭch tơm bâh ăp rơh tât khâl lah gay ma an bah ir nău duh jêr đah Nga n’hanh Ukraine, nkre lah ndơ̆ ăp rơh tâm nchră mpeh nău Ukraine. Ntoh ngơi đah báo chí lôch rơh tâm mâp đah nuĭh tâm ban nău kan Đức, kruanh n’gâng kan nchră nău đah dak bah dih Ukraine Dmytro Kuleba an gĭt, ndrel đah Đức, dak aơ dôl ntrôl ndâk nsơm ăp rơh tâm nchră đăp mpăn poăn ding đah Nga n’hanh Pháp gay ma bah rơh tâm rkeh ta nkual Đonbas, mpeh luh nar Ukranie.

Nuĭh rblang: Thị Đoắt