VOV4.M’nông- Nar 15/3, kruanh n’gâng kan nchră nău đah dak bah dih Mỹ Antony Blinken mbơh ntop tay 186 rkeh đôlar gay ma kơl an nuĭh gŭ du der Ukraine ta ăp dak kiau meng  n’hanh ăp nuĭh ntrơn du ngih jay nơm hăn du der dak yor geh nău tâm lơh tâm su. Rnoh prăk aơ mbra pă drăp ndơ dŏng an ăp ntŭk kan tâm kơl dôl geh tâm rdâng đah rơh duh jêr, nkre lah ntop an ăp dak kiau meng dôl vơt rhơn n’hanh kơl nuĭh geh nău gŭ du der Ukraine. Rnoh kơl tơm prăk ntop an bâh Mỹ mbra ntop tâm di đah nău ŭch khlăy ma nuĭh gŭ du der ŭch geh, n’hanh mbra geh ndơ̆ tât ăp ntŭk kan tâm kơl ta ntŭk ngăn. Rnoh kơl aơ mbra geh kơl an ăp nuĭh geh nău tât bâh rơh tâm rkeh ta Ukraine mât tâm ôp ngơi đah ăp nuĭh kan ndrel ta rnăk vâl geh du der n’hanh an tâm mâp rnăk vâl rnôk geh nar tâm di.

Nuĭh rblang: Thị Đoắt