VOV4.M’nông- Kruanh n’gâng kan nchră nău đah dak bah dih Mỹ Antony Blinken mbrta tât khâl châu Âu bâh nar 3/3 tât 8/3 gay ma ôp đah ăp dak kan ndrel châu âu n’hanh ăp dak kan ndrel châu âu tâm rnôk Nga geh ƀư tay nău kan tahen ta Ukraine. Tĭng kruanh n’gâng kan nchră nău đah dak bah dih Mỹ, kruanh n’gâng kan nchră nău đah dak bah dih Blinken bôk năp mbra tât ta Bỉ gay ma tât râng rơh rƀŭn nchră kruanh n’gâng kan nchră nău đah dak bah dih NATO n’hanh lôch nĕ mbra geh hăn tât ăp dak Ba Lan, Mônđôva n’hanh ăp ngih dak ta nkual Bantich geh Latvia, Litva n’hanh Etxtônia. Nkô̆ nău ăp rơh tâm nchră bâh wa Blinken mbra geh nđâp nău nsrôih nsum gay ma kơl an Ukraine, ndâk nsơm tay ntĭm nti n’hanh mât njrăng ngih dak bâh NATO, ntrôl an ƀon lan ƀư tơm n’hanh nău dơi kon nuĭh n’hanh tĭng nău tâm kơl têh hvi lơn mpeh nău wăng sa n’hanh ŭnh nar đah ăp dak kan ndrel  Bantich bâh Mỹ.

Nuĭh rblang: Thị Đoắt