VOV4.M’nông- Kruanh n’gâng kan nchră nău đah dak bah dih Nhật Bản Hayasi n’hanh kruanh n’gâng kan nchră nău đah dak bah dih Trung Quốc Vương Nghị mhe aơ lĕ ƀư rơh tâm nchră sŏng dăng gay ma nkoch mpeh nău ta Ukraine n’hanh hạt nhân bâh Triều Tiên. Aơ lah rơh tâm nchră bôk năp bâh kruanh n’gâng kan nchră nău đah dak bah dih bar dak kơp bâh ntơm khay 11 năm e. Ta rơh tâm nchră, kruanh n’gâng kan nchră nău đah dak bah dih Nhật Bản Hayashi lĕ nduĭh rơh tâm rkeh ta Ukraine, nkre lah kuăl jă Trung Quốc mât nău hạt nhân bâh Triều Tiên, kruanh n’gâng kan nchră nău đah dak bah dih Nhật Bản an lah an geh mpŏng tât nău ƀư tĭng mô dŏng hạt nhân ta gôl dak Triều Tiên. Mpeh đah nơm, kruanh n’gâng kan nchră nău dak bah dih Vương Nghị lĕ dăn đă bar ding an geh nău dơn kan nsum bah ir geh ăp nău tât ƀư mô ueh tât nău tâm boh bar dak.

Nuĭh rblang: Thị Đoắt