VOV4.Mnông. Tĭng nău mbơh báo chí bâh n’gâng kan nchră nău đah dak bah dih n’hanh tâm kơl lam ntur neh Campuchia, kruanh n’gâng kan nchră nău đah dak bah dih bar dak Singapore n’hanh Lào tât khâl ngăn dak Campuchia n’hanh tât râng rơh rƀŭn nchră kruanh n’gâng kan nchră nău đah dak bah dih ASEAN bâh 15-17/2. Ta rơh tât khâl, kruanh n’gâng kan nchră nău đah dak bah dih Singapore Vivian Balakrishnan mbra tât tâm ôp ngơi đah Thủ tướng Campuchia Hun sen n’hanh ƀư rơh tâm nchră 2 ding đah nuĭh tâm ban nău kan Park Sokhoon gay ma tâm nchră mpeh trong kan ntrôl tay lơn nău tâm boh kan đah bar dak tâm ăp ntrong kan kơt wăng sa, tăch rgâl, pâl nđaih, ntĭm nti n’hanh dak si. rơh tât khâl ngăn bâh kruanh n’gâng kan nchră nău đah dak bah dih Singapore tât ta Campuchia geh knơm mbra pơk hvi n’hanh ƀư ueh tay lơn nău tâm boh kan n’hanh tâm kơl na nê̆ đah Campuchia n’hanh Singapore yor nău geh nsum bâh bar ngih dak.

Nuĭh rblang: Thị Đoắt