VOV4.Mnông. Kruanh n’gâng kan nchră nău đah dak bah dih Trung Quốc Vương Nghị mhe geh rơh tâm nchră ma điện thoại đah kruanh n’gâng kan nchră nău đah dak bah dih Nga Sergei Lavrov. Aơ lah nău kan ntơm bâh ntrong kan mhe bâh nău tâm boh nchră nău đah dak bah dih ntrong kan lĕ rngôch Trung- Nga ta rơh mhe; nkre lah tâm mbơh ăp nău dak bah dih n’hanh ta nkual ma bar ding mât uănh. Ta rơh tâm nchră ma điện thoại, kruanh n’gâng kan nchră nău đah dak bah dih Trung Quốc Vương Nghị an gĭt, năm 2021 lah nău ntoh ang ta nău tâm boh Trung Quốc n’hanh Nga. Rơh tât khâl Trung Quốc bâh Tổng thống Putin n’hanh tât râng rơh ntơm pơk thế vận hội khay puh Bắc kinh mô dơn lah rơh tâm mâp sŏng dăng bôk năp đah bar hê nuĭh leo kan ngih dak ma hôm nha lah nău kan khlăy ta ntrong kan tâm boh lam  ntur neh bôk năm aơ. Trung Quốc mbra n’hao nău tâm nchră đah Nga, ndrel mât đăp mpăn geh nău dơi bâh rơh “tâm ton thế vận hội” n’hanh “rơh tâm mâp măt năm mhe” đah bar hê nuĭh leo kan ngih dak.

Nuĭh rblang: Thị Đoắt