VOV4.M’nông: Di rnôk hăn khâl Myanmar ndrel ƀư tơm rơh rƀŭn Kruanh n’gâng kan nchră nau tâm boh Mêkông-Lan Thương tal 7, Kruanh n’gâng kan nchră nau Trung Quốc Vương Nghị hŏ mâp Groi Thủ tướng, Kruanh n’gâng kan nchră nau Campuchia Prak Sokhon. Tâm nar mâp, Kruanh n’gâng kan nchră nau Trung Quốc Vương Nghị rne ểpeh nau kan ngăn bah Campuchia tâm nau ƀư Kruanh ASEAN năm 2022, rgop tâm nau kan rklaih kan tâm Myanmar. Wa Vương Nghị hŏ ntoh nau mĭn mpeh 3 nau kan bah Trung Quốc tâm nau kan aơ. Tal bôk năp, Trung Quốc kơl an ăp nau nsôih nsum tâm nau tĭng hiến pháp ndrel pháp luật. Tal bar, Trung Quốc ŭch mra tâm rgop nsum ndrel ASEAN ƀư ntrŭt dăng đă Myanmar ndâk nau ƀư nau ntrơn rgâl ƀon lan ƀư tơm ndrel joi luh trong hun hao chính trị tâm di đah nau dơi ndrel nau geh êng bah Myanmar. Tal pe, Trung Quốc ŭch ASEAN mât ‘nau kan ASEAN”, ntô̆ n’hao ăp nau ƀư ndrel nau vay ơm mpeh nau mô dơi lăp tâm nau kan bah dak êng./.

Nŭih rblang: H’Thi