VOV4.M’nông: Kruanh n’gâng kan neh dak Mỹ Lloyd Austin mhe geh rơh kuăl điện tâm nchră đah Kruanh n’gâng kan Ukraine Alexey Reznikov gay tâm nchră ăp nau kan kơl an tahen mhe bah Mỹ an Ukraine ndrel du đê̆ nau kan ma bar ding uănh khlay. Tĭng nŭih ntoh ngơi N’gâng kan neh dak Mỹ John Kirby, tâm rnôk tâm nchră, Kruanh n’gâng kan Mỹ lah rjăp tâm nau kan kơl an tahen ntop tay ân Ukraine rnoh 150 rkeh đôla mhe aơ bah Tổng thống Mỹ Joe Biden. Rnoh prăk aơ geh pă bah ăp ntil ndoh ndơ ndrak nsiu kơt pháo, trong ra-đa njrăng pháo ndrel ndơ dŏng ƀư rlăm trong mpơl. Mpeh n’gâng kan Ukraine, păng hŏ mbơh ma nŭih ndrel gưl kan mpeh ăp nau tât geh mhe ngăn mpeh nau tâm lơh. Rơh kuăl điện tâm nchră geh tâm rnôk Quốc hội Mỹ geh nau dăch ƀư nchrăp rnoh kơl an âk ngăn ân Ukraine, rnoh nklăp 40 rmen đôla./.

Nŭih rblang: H’Thi