VOV4.M’nông: Kruanh n’gâng kan nchră nau Trung Quốc Vương Nghị mra leo bôk du rmôt kan hăn tât khâl 5 gôl dak Thái Bình Dương, tâm nê geh gôl dak Solomon. Rơh khâl geh ăp dak tâm nkuăl ân lah nkô̆ nau gay ma pơk hvi nai tâm boh ueh mpeh chính trị, nkre n’hao nau tâm boh ƀư nau kan tăch rgâl ndrel đăp mpăn bah Trung Quốc đah ăp gôl dak jê̆ êng tâm nkuăl. Tĭng nau bah Australia ndrel ăp dak tâm nkuăl, Kruanh n’gâng kan Trung Quốc Vương Nghị mra khâl du đê̆ gôl dak Thái Bình Dương, ntơm lơ 25/5, đah ntŭk tât bôk năp lah gôl dak Solomon. Jêh nê, wa Vương Nghị mra khâl Fiji, Papua New Guinea ndrel ăp ntŭk tât mra geh nau dơi êng kơt Vanuatu, Samoa, Tonga ndrel Kiribati. Rơh khâl ngăn bah wa Vương Nghị hŏ geh Chính phủ Solomon ndrel Papua New Guinea geh uănh năl./.

Nŭih rblang: H’Thi