VOV4.M'nông: Kruanh Trung Quốc Tập Cận Bình n'hanh Tổng thống Mỹ Joe Biden măng (18/3) hŏ geh rơh kuăl điện tâm nchră lor bôk năp kơp ntơm bah rơh tâm lơh ta Ukraine. Tâm rơh kuăl điện tâm nchră, Kruanh Trung Quốc Tập Cận Bình kuăl jă bar ding "mô dơn leo tâm boh Trung- Mỹ hun hao di trong rƀŏng, ma hôm mbăk anh nău kan dak bah dih, nău nsrôih yor ma đăp mpăn n'hanh rnă njrăng lam ntŭr neh.” Mpeh Ukraine, wa Tập Cận Bình an lah, "an ƀư lor bôk năp aƀaơ lah tâm nchră tay, der bah khĭt rmanh an nuĭh ƀon lan ngăn, nking nchăng rơh duh jêr kơl nuĭh, ơm rlu pănh n'hanh dŭt bah tâm lơh tâm su.” Păng kuăl jă ăp ding ŭch tĭng tâm nchră đah Nga n'hanh Ukraine gay dơi geh n'hanh rƀŏng tât bah tâm lơh tâm su, tâm rnôk “Mỹ n'hanh NATO ân tâm nchră đah Nga gay nkra bah rơh duh jêr Ukraine n'hanh nkra bah nău rvê mpeh rnă njrăng lĕ ma Nga n'hanh Ukraine.

Nuĭh rblang: Điểu Thân