VOV4.M'nông: Kruanh Trung Quốc Tập Cận Bình hŏ geh rơh kuăl điện tâm nchră đah Tổng thống Pháp Emmanuel Macron. Tĭng nău mbơh báo chí nchih pơk ta trang web bah Bộ Ngoại giao Trung Quốc, ma rơh kuăl điện ăp kruanh Trung Quốc n'hanh Pháp hŏ tâm ôp mpeh nău mĭn mpeh nô nău Ukraine, tâm ban ŭch an lah lĕ rngôch ăp ding geh tât ân ntop kơl Nga n'hanh Ukraine rdâk tay đăp mpăn ma rơh tâm nchră. Kruanh Trung Quốc Tập Cận Bình lah rjăp, Trung Quốc hŏ n'hanh dôl ntrŭt ntrôl ăp rơh tâm nchră đăp mpăn tĭng trong êng nơm n'hanh ŭch tĭng ăp dak châu Âu mât rnă njrăng bah châu Âu. Mpeh bah nơm, Tổng thống Pháp Macron an gĭt, Pháp geh âk nău tâm ban đah Trung Quốc tâm nkô̆ nău Ukraine, mbra tâm boh lhăt lơn ta bar ding n'hanh âk  ding. Pháp n'hanh EU tĭng trong hăn đăp mpăn, mât njrăng êng./.

Nuĭh rblang: Điểu Thân