VOV4.M'nông: Lôch rnôk tâm nchră gưl têh NATO ta Mdrid dŭt jêh, kruanh rđău kan âk dak kơt: Mỹ, Ca-na-đa, Pháp, Anh… an gĭt mbra kơl tay ndrak nsiu an Ukraine gay mât rơh tâm lơh jŏ jong đah Nga. Nău kan dja hŏ mâp geh nău rlăch dun hô bah Nga, Ngoại trưởng Sergei Lavrov mbơh, nău NATO lơn ma njuăl âk ndrak nsiu tât Ukraine ri rơh tâm lơh lơn ma ntoch jong. Lah lôch jêh tâm nchră gưl têh NATO, Tổng thống Biden lah rjăp, Mỹ n'hanh ăp dak băl NATO tâm rnglăp tâm nău rdâng lơh đah Nga. Mỹ mbra ơm mbơh rnoh ndrak nsiu kơi ntop kơl rnoh khlay 800 rkeh đôlar an Ukraine, n'hao lĕ rngôch rnoh ndơ kơl bah Mỹ an tahen Ukraine rlău 6 rmen 100 rkeh đôlar tâm rlău 4 khay aơ. Kruanh ăp dak kơt Ca-na-đa, Pháp mbơh ntop kơl ndrak nsiu n'hanh phao bleo đŏng kơt pháo rep ndeh loih, ndeh ntop kơl tâm lơh njrăng n'gang kalơ trôk n'hanh ndơ pet điện tử mhe an Ukraine./.

Nuĭh rblang: Điểu Thân