VOV4.M’nông -  Tổng giám đốc Rmôt kan dak si lam ntŭr neh Tedros Adhanom Ghebreysus an gĭt, lam ntŭr neh dơi lôch nău ndal yor Covid-19 tâm năm aơ. Tĭng Nuĭh djôt bôk ngih pah kan dak si Liên hợp quốc, gay lôch nău ndal mpeh dak si, ăp dak an nsrôih lơn tay gay đăp mpăn gĭt tâm ban đah vaccine n’hanh trong săm ji, uănh nđôi kaman n’hanh ăp kaman mhe ntoh, nkre mât ăp nău n’hŭch oi. Chôt srê lĕ sŏk nău rêh kon nuĭh rlău 5 rkeh 500 rbăn nuĭh kơp bah rnôk ntoh bah dŭt năm 2019 n’hanh rnoh nuĭh ntưp srê dôl hao âk yor ntil mhe Omicron. Nuĭh kruanh WHO lah rjăp, lam ntŭr neh mbra an nti trong rêh nsum đah Covid-19 tă bah du trong nâp nâl n’hanh mbra klach lah uănh Omicron mbra lah ntil mhe n’glêh dŭt mô lah nkô̆ nău lôch chôt srê.

Nŭih blang: Y Sưng Phê Ja