VOV4.M’nông: Nsum mpôl bah lam ntur neh ndrel ăp ntŭk ƀư nau kan tăch rgâl kŏ dun lơi ăp nau kan leo tahen tâm lơh bah Nga ta Ukraine. Geh ăp nau nkah đa ưnau mhal ndrel kuăl jă nau tâm nchră geh ndơ̆ luh đah nau ŭch ăp ding geh tât mra mô dơi “ƀư nau rlau ir” ndrel ntrŭt đă Châu Âu tâm nau rŭng răng hô ngăn kơp ntơm rnôk tâm lơh lam ntur neh tal 2. Australia, Niu Zealand ndrel Nhật Bản tĭng jâng Mỹ, Liên minh Châu Âu, Anh ndrel Đức nchâp nau mhal rƀŏng tâm Nga kơt nau nchâp mhal mô ân hăn ro đah ăp nau kan đah n’gâng kan Chính phủ Nga, mô ân tăch luh ndoh ndơ ân tahen, rmôt mât rnă njrăng Nga ndrel ân nsrŭng ăp nau tâm nchră bah 2 ding. Nau rvê mlra geh jêng chah rai lĕ tâm nau tâm boh đah Nga ndrel Phương Tây mra njêng tât du nau rŭng răng mpeh nau rnă njrăng ê tă geh kơp ntơm rnôk tâm lơh lam ntur neh tal 2, Tổng thư ký Antonyo Giterres kuăl jă ăp ding ndrel geh nau nsôih gay mô ân geh nau tâm lơh tât, ma nau khuch jêh nê mra jêng ăp nau mô ueh ngăn ngên./.

Nŭih rblang: H’Thi