VOV4.M’nông: Văng sa lam ntur neh hôm jŏ mơ ndâk dĭng lĕ yor tă geh nau khuch bah srê Covid-19. Aơ lah ngoai tâm ăp nau kơp dơn bah Liên hợp quốc ndơ̆ luh tâm nau mbơh nau mpŏng ndrel nau kan văng sa bah lam ntur neh 2022 mbơh lơ 13/1. Nau khuch bah srê ndrel ma nau hao khlay ndơ bah ăp jâng văng sa hun hao ndrel du đê̆ nau kan văng sa dôl hun hao dôl njêng âk nau ntul rlong nkri tât nau kan ndâk njêng bah lam ntur neh, ndơ̆ luh nau khuch mpeh nau tâm ƀah tât nau tâm ban đah ăp dak lơn ma ngai đŏng. Tĭng nau mbơh, rnoh nŭih rêh tâm nau ach o ngăn ngên nchrăp mra âk lơn rđil rnôk ê geh srê nuh. Rnoh nŭih ach o hao âk tâm ăp jâng văng sa nơih geh nau khuch ngăn kơt tâm Châu Phi. Liên hợp quốc mbơh, jâng văng sa lam ntur neh nchrăp mra hun hao 4% tâm năm 2022, dêh lơn rđil rnoh 5,5% bah năm 2021 ndrel tât năm 2023 knŭng hôm 3,5%./.

Nŭih rblang: H’Thi