VOV4.M’nông: Ăp ntŭk kan bah Liên hợp quốc mhe kuăl jă 4,4 rkeh đola Mỹ gay kơl an ndal ân nklăp 29,1 rkeh nŭih tâm ăp dak nkuăl njônh Châu Phi tâm năm 2022. Ntŭk kan rđau ăp nau kan kơl an bah Liên hợp quốc mbơh, nchrăp geh 12 tât 14 rkeh nŭih tâm 3 dak mpeh Đông Phi, geh Ethiopia, Kenya ndrel Somali dôl ma rdâng đah nau mô tŏng ndơ sa ndrel dak ngêt yor nau khuch tâm 3 khay bôk năm 2022. Nchrăp, geh nklăp 5,5 rkeh kon se tâm 3 dak aơ rdâng đah nau brêt têh ngăn tâm năm 2022, tâm nê geh rlau 1,6 rkeh kon se brêt têh ngăn. Ntŭk kan rđau ăp nau kan kơl an bah Liên hợp quốc kuăl jă ăp Chính phủ tâm nkuăl kơl an rklaih nau kan ndal yor prăng bri bah nau ntop nau kơl an tơm prăk gay ma kơl ăp ntil, năn ân ƀon lan geh nau khuch./.

Nŭih rblang: H’Thi