VOV4.Mnông-13 rkeh nuĭh ta nkual nke châu Phi dôl tâm rdâng đah nău ji ngot. Aơ lah nău mbơh lor geh bôk nău kan ndơ sông sa lam ntur neh geh ndơ̆ mbơh ta nar 8/2. Ntŭk kan ndơ sông sa lam ntur neh nkre lah kuăl đă kơl nkual aơ dâl gay ma der geh nău tât ji ngot kơt tă geh rlău 10 năm ba năp ƀư an rhiăng nuĭh khĭt. Tĭng bôk nău kan mât ndơ sông sa lam ntur neh, nkual nke Châu Phi lĕ mô geh mih tâm 3 năm khay mih mhe nơh ƀư an âk ndơ tơm khĭt lĕ, ndrôk rpu sŭr djăr khĭt lĕ n’hanh nău mô geh ndơ sa ta âk ntŭk ta nkual châ phi. Ta năp nĕ, ntŭk kan mât kơl an oh kon se LHQ lĕ geh nău mbơh njrăng kơt nĕ đŏng, tâm nĕ lah na nê̆ tât nău ji ngot đah oh kon se. Aƀaơ, klâp ma geh 5,5 rkeh oh kon se ta 4 ngih dak nkual nke châu phi dôl tâm rdâng đah nău brêt têh dŭt âk.

Nuĭh rblang: T