VOV4.M’nông-Liên hợp quốc nar 5/5 an gĭt, rnoh nuĭh mô geh tŏng ndơ sa ăp nar lĕ geh dŭt âk ta ăp rơh ta năm e n’hanh dôl ta rnoh dŭt âk mhe geh tâm rkeh ta Ukraine khuch tât nău pah kan ƀư ndơ sông sa lam ntur neh. Tĭng nău kơp bâh Liên hợp quốc, bơi tât 193 rkeh nuĭh ta 53 ngih dak mô tŏng ndơ sa dŭt âk ta năm 2021 yor geh nău tâm rkeh, trôk nar mô ueh n’hanh geh ăp nău tât mpeh wăng sa yor nuh srê Covid-19. Liên hợp quốc an gĭt lĕ rnoh nuĭh mô tŏng ndơ sông sa ăp nar hao 40 rkeh nuĭh ta năm e, uănh năl du nău mĭn rvê hô mpeh nău hun hao ăp năm tâm nar pe năm ba năp. LHQ kuăl đă âk dak lam ntur neh geh nău kan tâm kơl ngăch gay ma bah nău ji ngot geh âk ta lam ntur neh.

Nuĭh rblang: Thị Đoắt