VOV4.Mnông- Tổng thư ký Liên đoàn A rập Ahmets Abu Ghê it (Ahmed Aboul Gheit) n’hanh kruanh n’gâng kan nchră nău đah dak bah dih du đê̆ dak kan ndrel, geh Ai cập, Jorden, Iraq, Algeria n’hanh Xudăng lĕ tât khâl Nga, gay ma kơl an ăp trong kan nchră nău đah dak bah dih gay ma doh rklaih nău tâm rkeh Nga-Ukraine aƀaơ. Ta rơh tâm nchră đah kruanh n’gâng kan nchră nău đah dak bah dih dak tơm jăy Seigei Lavrov, Tổng thư ký liên đoàn A rập an gĭt, nău kan tahen têh khlăy bâh Nga ta Ukraine lĕ ƀư geh âk nău tât mô ueh tât ăp dak A rập, ngăn lah ta nău rvăt ndơ sông sa. Ăp dak aơ dŭt âk rvăt nglăp ba, ngũ cốc bâh Nga. ăp dak Arâjp lah na nê̆ tĭng nău mĭn kơl an ăp trong kan nchră nău đah dak bah dih an nău Ukraine, knơm tĭng nău way n’hanh luật pháp lam ntur neh, kuăl đă bar ding rlu tâm lơh dâl.

          Nuĭh rblang: Thị Đoắt