VOV4.Mnông- Tổng thư ký Liên hợp quốc Antonio Guterres nar 13/1 kuăl đă pơk tay ăp rnoh tơm prăk gay ma kơl an nuĭh ƀon lan Afghanistan. Aƀaơ geh klâp ma 9,5 rmen đôlar Mỹ ntêm nkrem ngân hàng trung ương Afghanistan ta dak bah dih, (dŭt âk lah ta Mỹ) hôm nha geh nchueng rvêl. Nău kơl an lam ntur neh an chính phủ Afghanistan dôl mô hôm geh kơp bâh ntơm mpôl Taliban hao njôt nău kan. Tổng thư ký LHQ Guterres an lah ăp nău kan tâm kơl an geh âk prăk lơn n’hanh pah kan tâm di lơn. Afghanistan dôl tâm rdâng đah nău uh ah mpeh kon nuĭh dŭt hô. Rlău du n’gul rnoh nuĭh Afghanistan aƀaơ knơm ta nău kơl an, lah mô geh nău tâm rgop tay lơn bâh âk dak lam ntur neh, kơt lah lĕ rngôch mbra geh tâm rdâng đah nău jo ngot, ach o dŭt hô.

Nuĭh rblang: Thị Đoắt