VOV4.M'nông: Tổng thư ký Liên hợp quốc Antonio Guteress du tŏ tay đŏng kuăl jă rlu pănh kơl nuĭh ngăch ta Ukraina gay rong soih trong hăn kơl ndơ, đăp mpăn an nău kan hăn kơl nuĭh, tâm ban kơt ntrơn du nuĭh ƀon lan ngăn đŏng. Groi Tổng Thư ký Liên hợp quốc mât uănh nkô̆ nău kơl nuĭh Martin Griffiths nchrăp mbra hăn tât Thổ Nhĩ Kỳ tâm pơh dja gay dăp rgum du rơh tâm nchră kơl nuĭh đah Nga n'hanh Ukraina. Tĭng nuĭh ntơh ngơi Liên hợp quốc Stéphane Dujarric, kơp ntơm bah bôk năm, ăp rơh ntŭp lơh tâm ntŭk kan dak si bah Ukraina âk rlău 68% lĕ rngôch rơh rdôl lơh tâm ăp ntŭk kan dak si lam ntŭr neh. Let năp tay, nklăp 12 rkeh nuĭh ƀon lan Ukraina ân ntrơn du tâm lơh. Tâm rnoh dja nklăp 7,1 rkeh nuĭh ntrơn du tâm dak n'hanh 4,9 rkeh nuĭh nchuăt du der dak bah dih./.

Nuĭh rblang: Điểu Thân