VOV4.M’nông: Rơh rƀŭn tâm nchră rgum ntơm pơk nar rƀŭn vay ăp năm bah Uỷ ban ƀư nau kan mpeh nau mât nau đăp mpăn Liên hợp quốc hŏ geh ta nkuăl ƀon têh Niu-yok lơ 14/2. Ăp dak kan nsum uănh khlay mpeh nau nkah tât nau mât đăp mpăn, rnă njrăng bah rmôt mât rnă njrăng, ntrŭt dăng nau kan nkah tât nau kan mât đăp mpăn, rnă njrăng bah ăp nau kan đăp mpăn ndrel mât nâp nau geh tât tơm prăk ƀư kơl an nau mât đăp mpăn. Ăp dak kŏ kơp dơn tâm nau kan bah Uỷ ban ueh khlay mpeh nau mât rnă njrăng đăp mpăn bah liên hợp quốc đah nau kan aơ. Mpeh du đê̆ nau rgop ân lah, gay n’hao nau kan kơt dŏng nau kan mhe tâm nau mât đăp mpăn rnă njrăng, ntrŭt dăng nau tâm boh đah Liên hợp quốc ndrel ăp ntŭk kan bah nkuăl, tiểu khu nkuăl tâm ăp nau kan rklaih nau kol mpeh tu tơm jêng nau tâm lơh./.

Nŭih rblang: H’Thi