VOV4.M’nông: Rơh rƀŭn gưl prêh ndal bah Liên minh Châu Âu Brussel mhe lôch. Jêh âk pơh tâm rlăch đah ăp dak kan nsum, rđau kan rmôt Liên minh Châu Âu dăch dŭt hŏ hăn tât nau kơl an tâm nau mhal âk ngăn tâm rnoh dak pring rvăt lăp tă bah Nga. Đah nau ntrŭnh aơ, dĭng lĕ dak pring bah Nga rvăt lăp tâm EU đah trong dak lêng mra mô geh ân, tâm rnôk dak pring rvăt bah trong dĭng Dzuhba geh mô kâp ân soay. 2/3 rnoh dak pring tăch luh bah Nga tât EU geh rdeng đah trong dak lêng. Rnôk Ba Lan ndrel Đức ƀư ƀư nau ton nsrŭng rvăt lăp dak pring tă bah Nga bah trong Druzhaba tâm dŭt năm e, rnoh dak pring bah Nga mra mô geh ân tăch lăp tâm EU mra hao tât 90%. Nau mô ân bah EU, tĭng ăp nŭih mêt uănh, mra khuch ngăn tât nau kan tăch luh dak pring bah Nga, yơn nau mô ân aơ mra mô geh lơh âk nau khuch ân tât rnôk ăp nau mhal geh nau tam ngăn./.

Nŭih rblang: H’Thi