VOV4.M’nông: Hội đồng Bảo an Liên hợp quốc hŏ rgum rơh rƀŭn mpôn mpeh nau pănh ntil ndơ mhe ngăn bah Triều Tiên. Aơ lah rơh rƀŭn tal 2 bah Hội đồng Bảo an knŭng tâm du pơh, tâm rnôk dôl ma geh âk nau rvê ngăn mpeh nau kan hun hao ndrak nsiu ƀư jêng nau tâm rlăch bah Bình Nhưỡng. Tâm rơh rƀŭn, nŭih ntoh măt bah Mỹ ta Liên hợp quốc Lin-đa Thô-mát Grin-phiêu hŏ răk nau mbơh nduih lah nau ntrŭnh bah Hội đồng Bảo an. Ntoh măt Mỹ kŏ kuăl jă Hội đồng bảo an ân geh ntoh nau mĭn mbơh ngăn mpeh nau kan dôl ma lơh jêng duh jêr bah Bình Nhưỡng. Ntŭk kan ŭnh nar lam ntur neh (IAEA) kŏ mbơh nau kơp dơn du đê̆ nau mpeh nau kan bah ntŭk ƀư ndrak nsiu Yongbyon mpeh ba lơ Bình Nhưỡng. Êng nê, kŏ geh nau ân saơ dôl geh ăp nau kan tâm ntŭk ƀư âk Urani Kangson ndrel ntŭk kan ƀư kât Urani Yongsan./.

Nŭih rblang: H’Thi