VOV4.M’nông – Nar 20/2, đêt ngăn geh tay 3 nuĭh ta nkual Donbass, Ukraine sôt rmanh yor ăp grăp phao bah rmôt n’gâng kan Ukraine. Tĭng wa Ivan Filiponenko, nuĭh ntoh ngơi bah rmôt dân quân Cộng hòa nhân dân Luhansk sơm êng săk, tâm rwăch 24 mông bah năp (kơp tât dŭt n’har 20/2), mpeh n’gâng kan Ukraine đêt ngăn 66 tơ̆ tih đă rlu pănh. Rmôt tahen n’gâng kan Ukraine lĕ pănh tâm 24 nkual jay gŭ ta Luhansk, tâm nĕ geh n’ăp nău dŏng ăp ndrăk nsiu mô an. Duh jêr aƀaơ dôl hao ta mpeh bah lơ Ukraine dôl ƀư trong nchrăp an du nău kan tahen gay sŏk tay nău dơi uănh nđôi Donbass đah nău tâm lơh.

Nuĭh rblang: Y Sưng Phê Ja