VOV4.M’nông - Nău mbơh bah chính phủ Malaysia an saơ, dak aơ dôl mô tŏng đêt ngăn 1,2 rkeh nuĭh pah kan tâm nău kan nkra njêng, đồn điền n’hanh ndâk ƀư ngih wâl. Nău mô tŏng nuĭh pah kan ƀư ăp công ty Malaysia tam nău kan đồn điền cọ, nkra njêng chất bán dẫn dun ăp sam ƀŭt nchăm ndơ hao tât hang rmen đôlar. Kruanh Liên đoàn ăp nuĭh nkra njêng Malaysia an gĭt, aƀaơ, nău kan ndâk ƀư mô tŏng 550 rbăn, nău kan dầu cọ mô tŏng 120 rbăn nuĭh, ăp nuĭh nkra njêng chip mô tŏng 15 rbăn nuĭh n’hanh ăp nuĭh nkra njêng trôm ty nai dak si ŭch 12 rbăn nuĭh pah kan. Wăng sa Malaysia tĭng tâm tăch n’gluh, yơn knơm tâm nuĭh pah kan bâh dak bah dih. Nău mô tŏng nuĭh pah kan ƀư khuch tât nău rdâk hao wăng sa bah neh dak.

Nuĭh rblang: Y Sưng Phê Ja