VOV4.M'nông: Ăp kon chroh Hồi giáo lam ntŭr neh hŏ ntơm wơt khay lễ Ramadan, du khay lễ dŭt khlay đah ăp nuĭh tĭng chroh Hồi. Lor bôk năp lôch 2 năm nuh srê, hang rhiăng nuĭh hŏ rgum ta Quảng trường Thời đại, ta nkual ƀon têh New York (Mỹ) gay wơt bôk ntơm bah khay Ramadan. Tă bah  nuh srê hŏ dơi mât kân bah, nuĭh Hồi giáo ta Indonesia, Banglades, Iraq,...  hŏ ƀư rơh rƀŭn têh ta nhih brah n'hanh tĭng ƀư ăp tŏng ăp nău way. Yơn lah, nău rvê mpeh nuh srê mô hŏ rlău, ri ăp nuĭh chroh Hồi giáo hôm rvê mpeh ăp jêr nău rêh way ăp nar. Jâng wăng sa geh tât khuch tă bah nuh srê ntoch jong, nkre đah rnoh khlay ndơ hao ƀư ăp rnăk dŏng sa mpêt ndrôm. Tâm nău rêh jêr jŏt, nuĭh chroh Hồi giáo lơn ma mpư n'hao nuih n'hâm tâm rnglăp, tâm pă ndrel tâm khay lễ Ramadan. Khân păng tâm pă ndơ sa đah ăp nuĭh kiău ma n'hanh hăn kơl nuĭh tĭng nău dơi bah he nơm./.

Nuĭh rblang: Điểu Thân