VOV4.M'nông: Nkhêp geh râng Tâm nchră Kruanh gưl têh njrăng n'gang neh dak ASEAN (ADSOM) n'hanh Tâm nchră kruanh gưl têh njrăng n'gang neh dak ASEAN pơk hvi (ADSOM+) ƀư ta Campuchia, kêng măng 16/05, Mpôl ntơh măt gưl têh Bộ Quốc phòng Việt Nam hŏ geh ăp rơh mâp bar ding đah Kruanh mpôl ntơh măt ăp dak Campuchia n'hanh Singapore ta thủ đô Phnôm Pênh (Phnom Penh). Ta rơh mâp đah Đại tướng Nem Sowat, Tổng cục trưởng Tổng cục Chính sách n'hanh Đối ngoại, Bộ Quốc phòng dak Campuchia, bar kruanh mpôl ntơh măt tâm ban ŭch mbra tâm boh kan nsum lhăt, an ƀư geh nău tam ăp nkô̆ tâm Trong nchrăp tâm boh njrăng n'gang neh dak năm 2022 đah bar dak, lơn lah ăp nkô̆ hŏ dơi bar Bộ trưởng rgum nchră tâm ban ŭch ta rơh tâm nđŭr đah dak bah dih njrăng n'gang n'har bri lor bôk năp mhe aơ. Ta rơh mâp đah wa Chan Heng Kee, Thư ký Rnâng kan Bộ Quốc phòng Singapore, bar ding mpơl nău rnê âk tâm boh tâm rnglăp uĕh lăng đah Bộ Quốc phòng bar dak Việt Nam n'hanh Singapore, mpơl ma  trong an ƀư âk nkô̆ tâm boh dŭt n'hâm ngăn ngăn, lơn lah tâm rnôk bar Bộ trưởng Bộ Quốc phòng ký Hiệp định mpeh tâm boh njrăng n'gang neh dak bar ding tâm khay 2-2022./.

Nuĭh rblang: Điểu Thân