VOV4.M'nông: Nar 12/4, Chính phủ Slovakia hŏ ŭch du nău đă n'hao ăp mpôl tahen bah NATO tât dak dja dơi ntop tay 900 tahen,  n'hao lĕ rngôch tahen NATO gŭ ta aơ hao 3.000 tahen. Rnoh kơi ntop n'hao dja dơi sŏk bah dak Cộng hòa Séc, Đức, Mỹ n'hanh Slovenia. Tâm nê, Séc mbra ntop tay 100 tahen, Đức ntop tay 500 tahen, Mỹ ntop tay 200 tahen, Slovenia ntop tay 100 tahen, Ba Lan n'hanh Hà Lan hôm mât rnoh tahen kơt ơm đah rnoh 100 n'hanh 200 tahen. Bộ trưởng Quốc phòng Slovakia Jaroslav Nad an gĭt, ăp đơn vị nchrăp hăn tât Slovakia nkre đah du ntil công nghệ ma dak dja ŭch geh. Lôch rnôk Nga hăn lơh ma tahen ta Ukraine, Slovakia hŏ ŭch an NATO n'hao lĕ rngôch 2.100 tahen ta dak dja./.

Nuĭh rblang: Điểu Thân