VOV4.M'nông: Duh jêr đah Nga n'hanh Mỹ, Anh geh tay nău mĭn lôch rnôk Mỹ mbơh trong nchrăp n'gluh Nga luh bah Hội đồng nhân quyền Liên hợp quốc. Mỹ hŏ dăn đă du rơh nklăch phiếu n'gluh Nga luh bah Hội đồng nhân quyền Liên hợp quốc, nchrăp mbra ƀư tâm nar 7/4 tât. Ŭch tĭng nău dăn đă bah Mỹ, Ngoại trưởng Anh Liz Truss đă n'gluh Nga luh bah mpôl kan dja đŏng. Plơng ơh tay nău mbơh bah Mỹ n'hanh Anh, đại sứ Nga ta Liên hợp quốc an lah aơ lah nău kan mô dơi dơn ngăn. Ăp ntil ma phương Tây dôl ƀư đah Nga tâm nê geh nău n'gluh Nga luh bah ăp rơh tâm nchră âk ding mô hŏ tă geh. Nău dja mô nta trong dơh tâm ban kơt nsĭt tay nău uĕh đah ăp rơh tâm nchră đăp mpăn Nga – Ukraina. Nga mbra dâk lơh dăng gay rlăch dun tay nău kan dja./.

Nuĭh rblang: Điểu Thân