VOV4.M’nông – Tĭng truyền thông Mỹ, ăp kruanh gưl prêh dak aơ dôl tâm nchră mpeh nău ƀư du rơh tâm nchră đah Tổng thống Joe Biden n’hanh Kruanh dak Trung Quốc Tập Cận Bình. Nău mbơh aơ ndơ̆ an đêt nar jêh rơh mâp đah nuĭh ntĭm kan rnă njrăng ngih dak Mỹ Jake Sullivan đah Ủy viên Bộ chính trị Trung Quốc Dương Khiết Trì ta Luxembourg. Nchrăp rơh mâp aơ dơi ƀư tâm khay 7 tât. Jêh rơh mâp đah wa Sullivan n’hanh Dương Khiết Trì ta bôk pơh aơ, báo chí Mỹ lĕ mbơh đah nău ƀư tâm nchră đah kruanh 2 dak. Aƀaơ, N’gâng kan Tổng thống Biden mât tay ăp trong tâm ôp đah Trung Quốc gay mât uănh tâm rlong. Rơh tâm nchră trực tuyến mhe aơ đah Tổng thống Joe Biden n’hanh Kruanh Tập Cận Bình ƀư nar 18/3 đah nkô̆ nău rgum tâm nău tâm lơh Nga-Ukraina.

Nŭih blang: Y Sưng Phê Ja