VOV4.M’nông- N’gâng kan Tổng thống Mỹ Joe Biden mhe geh sŏk mplơ̆ nău mô an mpăr đah Cuba ơm geh mbơh bâh rơh Tổng thống ơm Donald Trump. Ăp nău mô an mpăr đah Cuba geh n’gâng kan mât uănh ntung trong Mỹ nklơi jăng tĭng nău đă bâh kruanh n’gâng kan nchră nău đah dak bah dih Antony Blinken gay ma kơl an nuĭh ƀon lan Cuba n’hanh an yor nău geh kơl an nchră nău đah dak bah dih bâh Mỹ. Ta năp nĕ, n’gâng kan Tổng thống ơm Mỹ Donald Trump lĕ tă geh nchâp đă nău wăng sa đah chính phủ Cuba. Ăp nău mô an hăn nsong aơ geh nđâp mô an ăp ndeh păr Mỹ mpăr tât 8 tach ndeh păr đah dak bah dih thủ đô Lahabana bâh Cuba. Rlău ma nĕ, n’gâng kan nchră nău đah dak bah dih Mỹ lĕ geh mbơh nău mô an đah rnoh ăp rơh mpăr tât Cuba đah rnoh 3.600 rơh ta ăp năm n’hanh lôch nĕ lĕ đă rlu ăp rơh mpăr manh đă kan êng tât gôl dak aơ.

Nuĭh rblang: Thị Đoắt