VOV4.M’nông: Nŭih kan ntoh măt bah Mỹ mpeh nau kan Triều Tiên lơ 18/4 mbơh, Mỹ ndrel Hàn Quốc hŏ tâm ban mpeh nau khlay bah nau kan rdâng ngăn đah ăp nau rlong phao ŭnh êp aơ bah Triều Tiên. Jêh rnôk tâm nchră đah nŭih ndrel gưl kan mpeh Hàn Quốc Nô-ki-u-đúc, Nŭih kan ntoh măt bah Mỹ mpeh Triều Tiên, Sung Kim mbơh bar ding hŏ tâm ban nau rdâng ngăn đah nau lơh ƀư rŭng răng tă bah Triều Tiên. Tĭng wa Sung Kim, bar ding hŏ tâm ban nau khlay gay ma nau mât nau dơi nkri nsum dăng ngăn mra dơi tâm gôl dak Triều Tiêm. Wa Sung Kim lah rjăp, ăp dak kan nsum ê ntâl mpông ân nau kan tâm nchră đah Triều Tiên ndrel mô geh nau ŭch ƀư tâm rkeh ma dak aơ. Tâm rnôk nê, ntoh măt mpeh Hàn Quốc, wa Nô-ki-u-đúc kŏ kuăl jă Triều Tiên ân geh plơ̆ tay nau tâm nchră./.

Nŭih rblang: H’Thi