VOV4.M’nông: Mỹ, Hàn Quốc ndrel Nhật Bản lơ 8/6 hŏ ntrŭnh nau ton lah nsum gưl Kruanh n’gâng kan nchră nau mpeh nau tâm boh pe ding gay ma rklaih ăp nau kan bah rach năm 21 gay leo nsĭt nau geh jêng nsum tâm nkuăl ndrel lam ntur neh. Kruanh n’gâng kan nchră nau 3 dak tâm mâp ta Seoul hŏ nduih lah ngăn ăp rơh păng phao ŭnh, ndrak nsiu tih nau vay mro bah Triều Tiên, nkre ton mra ntrŭt dăng nau tâm boh 2 ding gay ƀư rdâng đah ăp nau nkri tă bah Triều Tiên. Ăp ding kuăl jă Triều Tiên ân geh kơt tĭng ăp nau kan bah nơm tĭng nau ntrŭnh bah Hội đồng bảo an ndrel jêh nê ân geh nsŭng lơi ăp nau kan tih luật pháp lam ntur neh, ƀư lơn ma duh jêr, lơh nau roh đăp mpăn tâm nkuăl, mô lah ƀư rŭng răng tât nau mâp rnă njrăng ndrel đăp mpăn bah lam ntur neh, ndrel rgâl tâm nê lah râng nau tâm nchră rƀŏng tât nau kan mô hôm ndrak nsiu tâm gôl dak Triều Tiên. Kruanh n’gâng kan nchră nau 3 ding lah rjăp, trong tâm nchră ueh ngăn hôm geh pơk ơm ndrel kuăl jă Triều Tiên plơ̆ tay nau kan tâm nchră./.

Nŭih rblang: H’Thi