VOV4.M’nông- Nar 14/6, Tổng thống Mỹ Joe Biden an gĭt ăp ntu mât prăp ndơ mbra geh rdâk ƀư rgŏ trong n’har bri đah Ukraine, geh nđâp ta Ba Lan, gay ma kơl tăch ngluh âk ndơ sa n’hanh doh rklaih nău mô tŏng ndơ sông sa ta lam ntur neh. Mỹ dôl tâm rgop na nê̆ đah ăp dak kan ndrel châu âu gay ma ndơ̆ 20 rkeh tấn ndơ sa ta Ukraine tât ntŭk tăch rgâl gay ma kơl bah ir hao khlăy rnoh ndơ sa. Mỹ dôl geh ƀư tĭng nău nchrăp ndơ̆ rnoh ndơ sa luh Ukraine đah trong loih, yơn nkah uănh nău têh hvi bâh trong loih bâh Ukraine êng đah ăp dak Châu Âu, jêng ndơ sa an geh rgâl jêng ăp bôk duk êng ta n’har bri. kơp bâh ntơm geh nău tâm rkeh ta Ukraine ta khay 2 n’hanh nchueng rvêl ăp ndrâm dak lêng ta Biển Đen, nău nchoăn rdeng ndơ sa lĕ geh ƀư mbrơi n’hanh rlău 20 rkeh tấn hôm nha khan ta ăp ntu mât prăp.

Nuĭh rblang: Thị Đoắt