VOV4.M’nông: Ntŭk kan hun hao lam ntur neh Mỹ lơ 11/1, mbơh nau kơl an geh 308 rkeh đola ân Afghanistan gay ma kơl an mpeh ndơ sa, ntŭk gŭ âm ndrel mât chăm n’hâm soan. N’gâng kan bah Tổng thống Biden mbơh, rnoh kơl an aơ gay kơl an ăp rmôt nŭih nơih geh nau khuch ngăn tâm Afghanistan geh n’ăp ma bu ur, kon se bu ur ndrel ăp nŭih rnoi mpôl đê̆ n’hanh nŭih rven rvo. Êng nê, Mỹ kŏ pă ntop tay du rkeh dĭng vắc xin njrăng rdâng srê Covid-19 bah nau tâm kơl COVAX, n’hao rnoh vắc xin Mỹ kơl an ân Afghanistan hao 4,3 rkeh dĭng. Mỹ tât rnôk aơ hŏ pă bơi tât 782 rkeh đola kơl an ân Afghanistan ndrel ƀon lan dak aơ kơp ntơm khay 10 năm e. Afghanistan rnôk aơ dôl rdâng đah nau rŭng nau kơl an đah rlau n’gul rnoh nŭih ji ngot sa tâm yan sial puh năm aơ./.

Nŭih rblang: H’Thi