VOV4.Mnông- Kruanh n’gâng kan tơm prăk Mỹ (Janet Yellen) mbra ntrŭt đă rmôt 20 n’gâng kan wăng sa têh n’hanh mhe ntoh G20 kơl an gay ma bah nuh srê Covid-19 ta ăp dak dôl hun hao n’hanh mât đăp mpăn ăp dak geh ăp rnoh kan khlay gay ma ndâk nsơm an tâm ban. Wa bu ur Yelen mbra geh ndơ̆ mbơh  nău ŭch đă nĕ rnôk tât râng ta rơh rƀŭn nchră trực tuyến ăp n’gâng kan tơm prăk n’hanh thống đóc ngân hàng trung ương rmôt G20 geh ƀư ta Indonesia tâm 2 nar 17 n’hanh 18/2. Kruanh n’gâng kan tơm prăk Mỹ mbra kuăl đă G20 rgâl nkra rnoh kơl an tâm di đah nău kan nău geh bâh ăp ngih dak gay ma mât đăp mpăn ndâk nsơm lĕ rngôch n’hanh an bah geh nău tâm ƀah geh chuh vacxin an ăp dak ach o lơn. Ngân hàng thế giới, ntŭk kan tâm rgop prăk kaih lam ntur neh, ntŭk kan dak si lam ntur neh n’hanh ntŭk kan tăch rgâl lam ntur neh mbra kơl an gay ma doh rklaih ăp nău kŏ văk lam ntur neh tâm nău mbơh chuh vacxin.

Nuĭh rblang: Thị Đoắt