VOV4.M’nông-Groi kruanh n’gâng kan nchră nău đah dak bah dih Mỹ wa bu ur Wendy Sherman nar 7/6 mbơh lor mbra geh ăp trong kan plơng lơh răng dăng n’hanh na nê̆ bâh Mỹ, Hàn Quốc n’hanh lam ntur neh lah ma Triều Tiên rlong hạt nhân. Ntoh ngơi đah báo chí lôch rơh tâm nchră đah nuĭh tâm ban nău kan Hàn Quốc Cho Hyun-đông. Groi kruanh n’gâng kan nchră nău đah dak bah dih Mỹ, wa bu ur Oen-đi Sơ-mần an gĭt bol ma ăp rơh rlong hạt nhân lah nău kan ƀư tih ăp nghị quyết bâh hội đồng bảo an da dê n’hanh mbra geh tâm rdâng đah ăp trong kan plơng lơh răng dăng n’hanh ngăch. Nău mbơh bâh wa Sơ mần geh ndơ̆ mbơh lôch rnôk Mỹ n’hanh Hàn Quốc pănh grăp phao ŭnh tup ta neh ôi nar 6/6 ta let dak lêng luh nar Hàn Quốc gay ma plơng lơh tay nău Triều Tiên pănh 8 grăp phao ŭnh bôk ndrak lot dăch 1 nar ta năp nĕ.

Nuĭh rblang: Thị Đoắt