VOV4.Mnông- Tổng thống Joe Biden nar 22/2 mbơh Mỹ mbra geh rmal Nga gay ma plơng lơh nău dak aơ ndơ̆ tahen tât mpeh luh nar Ukraine. Wa Biden an lah ăp nău kan mhe nơh bâh Nga lah nău kan ntơm an du rơh rŭn in Ukraine. Tổng thống Biden mbơh ăp trong rmal Nga lôch geh ăp nău kan ta Ukraine, lah na nê̆: Aơ lah rơh rmal bôk năp n’hanh geh nău tâm rgop na nê̆ bâh ăp dak kan ndrel n’hah ăp ntŭk kan ndrel bâh Mỹ. Mpôl hên mbra geh n’hao nău rmal lah Nga geh tay ăp nău kan ƀư uh ah. Ăp trong kan rmal mbra geh dŏng đah bar ntŭk kan tơm prăk têh bâh Nga lah VEB n’hanh ngân hàng tahen. Mpôl hên geh ƀư ăp trong rmal lĕ rngôch đah rnoh rnon nsum bâh Nga, nău nĕ kơt lah, mpôl hên mbra koh jăng ăp rnoh tơm prăk tơm bâh Nga bâh ăp dak phương Tây.

Nuĭh rblang: Thị Đoắt