VOV4.M'nông: Ngoại trưởng Mỹ Antoni Blinken mbơh, tâm ăp pơh tât, păng mbra mbơh kloh na nê̆ trong mât rnă njrăng têh jong neh dak ơm dơi kâp bah jŏ gay rdâng lơh đah nău hao têh dăng bah Trung Quốc. Lôch rlău 1 năm hao mât bôk, n'gâng kan Tổng thống Biden ân tâm rdâng đah ăp nău nduih lah bah đảng Cộng hòa yor mô geh trong tor kloh ngăn gay rdâng lơh đah Trung Quốc, jâng wăng sa têh tâl bar lam ntŭr neh n'hanh lah nuĭh tâm ndăng tơm bah Mỹ. N'gâng kan Tổng thống Joe Biden hŏ mbơh trong kan têh jong an nkual Ấn Độ Dương - Thái Bình Dương rnôk khay 2, tâm nê ton ntêm âk tơm ndơ tâm boh dak bah dih n'hanh rnă njrăng lơn an nkual gay rdâng lơh tay nău nsrôih bah Trung Quốc khuch tât tâm nkual./.

Nuĭh rblang: Điểu Thân