VOV4.M'nông: Mỹ nchrăp ƀư ăp rơh tâm nchră đah Trung Quốc gay đă dak dja mô kơl ndơ an Nga tĭng nău ntrŭnh rmal bah phương Tây tâm Matxcơva. Lah ta rơh họp báo, Thư ký báo chí Ngih klo Jen Psaki an gĭt, Mỹ ŭch rŏng geh ăp rơh tâm nchră mbro đah Trung Quốc, mpŏng dak dja mbra tĭng ăp nău ntrŭnh rmal bah phương Tây tâm nê geh nău mô kơl ndơ an Nga. Yơn lah, wa Psaki mô an gĭt ăp rơh tâm nchră mbra moh tĭng trong ƀư. Bah năp nê, nar 6/4, Trung Quốc hŏ kuăl jă Mỹ ân rlu ntêt nkri Nga n'hanh ntrŭt ntrôl rơh tâm nchră đăp mpăn Nga – Ukraina. Tĭng mpeh Trung Quốc, ăp trong rmal mbra mô nsĭt tay nău đăp mpăn n'hanh rnă njrăng. Rgâl tâm nê dơn ndjôt tât roh yot n'hanh khuch khat dơm, ƀư lơn ma mbăk anh jâk an jâng wăng sa lam ntŭr neh ơm mâp jêr jŏt n'hanh khuch lam trong kan wăng sa lam ntŭr neh dôl geh aƀaơ./.

Nuĭh rblang: Điểu Thân