VOV4.M’nông - Đặc phái viên bah Mỹ đah Triều Tiên Sung Kim mhe aơ lĕ kuăl tâm nchră đah ăp kruanh nchră nău Hàn Quốc n’hanh Nhật Bản gay tâm nchră ăp nău pănh grăp phao ŭnh dăch aơ bah Triều Tiên. Đặc phái viên bah Mỹ đah Triều Tiên, wa Sung Kim lĕ phong ăp nău rlong pănh grăp phao ŭnh bah Triều Tiên n’hanh an lah nău aơ lĕ tih âk nghị quyết bah Hội đồng bảo an n’hanh geh tay du nău nkri hô đah đăp mpăn n’hanh rnă njrăng lam ntŭr neh. Wa Sung Kim mĭn lah tay tâm ton bah Mỹ đah nău mô hôm hạt nhân lĕ rngôch gôl dak Triều Tiên kơt tâm ton ngăn bah Mỹ đah nău mât njrăng ăp dak kan ndrel đah Hàn Quốc n’hanh Nhật Bản. Bôl geh nău dơi nchră nău, wa Sung Kim lah rjăp, Mỹ mbra ƀư ăp trong khlay gay đăp mpăn rnă njrăng bah Mỹ n’hanh bah ăp dak kan ndrel.

          Nuĭh rblang: Y Sưng Phê Ja