VOV4.M’nông: N’gâng kan Mỹ ndrel Iran rơh rlau aơ hôm ndơ̆ luh ăp nau ton lah, lah 2 ding dôl ma ŭch geh du nau nchrăp gay ma ndâk nau kan ndrak nsiu Iran năm 2015. Yơn lah, tĭng nŭih kơl nchră nau kan bah Mỹ mpeh Iran Robert Malley, nau ndơn kơt nê hŏ geh ndơ̆ luh tâm jŏ jong ma nau nchrăp kan ê dơi geh ngăn. Nau nê kơt lah hôm mpơl ơm ăp nau jêr jŏt hôm kol khan dôl ŭch joi trong rklaih luh. Nchră tât nau kan tâm du mpeh ueh lăng lơn, nŭih kơl nchră nau kan gưl prêh bah rđau kan gưl prêh bah Iran Kamal Kharrazi mbơh: Tâm di ma nau nchrăp bơi geh ƀư, yơn păng nsing tâm nau mĭn chính trị bah Mỹ, dak Mỹ nơm hŏ rhuăt luh êng bah nau nchrăp. Rmôt ƀư nau kan cách mạng Islam Iran lah tahen neh dak ndrel tahen neh dak ri mô dơi geh nchih moh tâm rmôt nŭih ƀư rlăng. Nau nê ngăn lah mô dơi geh ndơn, aơ lah nau kan khlay đah nŭih ƀon lan Iran./.

Nŭih rblang: H’Thi