VOV4.M’nông: N’gâng kan nchră nau Mỹ mbơh, Kruanh n’gâng kan nchră nau bôk năp bah Mỹ Wendy Sherman hŏ leo bôk rmôt hăn kan tât Thuỵ sĩ gay râng rơh rƀŭn nchră nau ndal tâm rmôt ƀư tâm nchră nau kan mât đăp mpăn nau kan Mỹ-Nga. Mpeh Nga, yor Kruanh n’gâng kan nchră nau Nga Sergey Ryabkov leo trong. Tĭng nau mbơh bah N’gâng kan nchră nau Mỹ, tâm rơh rƀŭn lơ 10/1 ta Genever, rmôt kan bah Mỹ hŏ djăt ăp nau kan đăp mpăn bah Nga. Kruanh n’gâng kan nchră nau Mỹ Wendy Sherman hŏ ƀư kloh nau kan nchră nau lah nau kan jŏ jong ndrel êng du ntil ueh ngăn mpeh ăp nau rvê mpeh nau mât rna ửnăng bah Nga ndrel Mỹ. Lơ 11/1, wa Wendy Sherman tât Brussel, Bỉ gay mbơh gleh đah Hội đồng Bắc Đại Tây Dương tâm ntŭk kan NATO. Jêh nê păng leo rmôt kan bah Mỹ râng rơh rƀŭn bah Hội đồng Nga-NATO tâm lơ 12/1./.

Nŭih rblang: H’Thi