VOV4.M'nông: Hãng tin Reuters leo tơm nău Văn phòng Tổng thống Pháp nar 21/2 nkoch nău, Tổng thống Mỹ Joe Biden n'hanh nuĭh ndrel gưl kan Nga Vladimir Putin hŏ ŭch mpeh nău way gay ƀư tâm nchră gưl têh, gay nchră mpeh rơh duh jêr Ukraine. Tĭng Điện Elysee, gay ƀư tâm nchră dja, pah kan nchrăp ân dơi Ngoại trưởng Mỹ Blinken n'hanh Ngoại trưởng Nga Sergei Lavrov tâm nchră tâm rơh hop đah bar ding tâm nar 24/2 tât. Tâm nchră dơi ƀư đah nău Nga mô rdôl lơh Ukraine. Tổng thống Pháp mbra nchrăp nkô̆ bah rơh tâm nchrăp. Bah năp nê, Chính phủ Mỹ an gĭt, Tổng thống Mỹ n'hanh Tổng thống Pháp hŏ tâm nchră mpeh ăp nău nsrôih tâm boh n'hanh ăp trong lơh mbram đah nău Nga rgum tahen dăch n'har Ukraine.

Nuĭh rblang: Điểu Thân