VOV4.M’nông- Nar 13/3, kruanh n’gâng kan nchră nău đah dak bah dih Mỹ Antony Blinken lĕ nchŭt dôih rơh rdul lơh bâh Nga mpŏng ta ntŭk mât đăp mpăn n’hanh rnă njrăng lam ntur neh, du ntŭk kan tahen dŭt têh ta nkuăl ƀon têh Lviv bâh Ukraine, dăch n’har đah Ba Lan. Tâm rnôk nĕ, mpôl kan têh Anh lĕ ntơ rơh rdul lơh lah n’hao âk bâh rơh tâm rkeh. Ta năp nĕ ndrel nar, mpôl kan têh ta Ukraine an gĭt, Nga lĕ dŏng klâp ma 30 grăp phao ŭnh rdul lơh ta ntŭk kan aơ, ƀư geh dŭt đê̆ 35 nuĭh khĭt n’hanh 134 nuĭh êng rmanh. Hôm n’gâng kan mât rnă njrăng ngih dak Nga uănh năl lĕ geh dŏng phao blêu lot ngai, ƀư khuch âk rnoh phao blêu yor dak bah dih pă an Ukraine geh mât prăp ta ntŭk kan, nkre lah nkhĭt geh rlău 180 tahen tâm lơh ta aơ.

Nuĭh rblang: Thị Đoắt